شوفتوا السى تى ايه عمل ايه فى البنانيت الحلويين
يوميات بنت عصرية مع CTA
الاسطوره
قامت سوسو من على السرير متأخرة على محاضرتها فطت ونطت. غسلت وشها واتوضيت، وصليت، ولبست هدومها في أقل من خمس دقائق متصورين شكلها كان إزاي طبعا (تعاطفك لوحده مش كفاية اتبرع ولو بكوتشي أديداس) المهم كملت الشياكة في الأسانسير ربطت الإيشارب اللى 1/2 كم بتاعها و لبست جاكت البدلة وبعدين لبست الصندل ذو الصناعة الفرنسية . ونزلت الشارع ركبت الميكرو.... إحم إحم... تاكسي طبعا كالعادة. بس نزلت في ميدان التحرير"موقف الـ "CTA، وركبت الناقة وشرخت، وبلاد تشيلها وبلاد تحطها !!!وما تستغربوش .. انتوا ما ركبتوش الـ CTA قبل كده ، يا بـخـتكم اللهم حقد وحسد بأه هيه.
هاشرحلكم الحكاية يقال فيما يروى عن الـ CTA إنه وسيلة للنقل العام أدرجتها الحكومة بتاعتنا ضمن وسائل المواصلات المصرية علشان تعلم المواطنين الأمامير اللي زيىّ الصبر على المكاره والشدائد، هدف قومي بحت زي ما انتم شايفين لكن قلة قليلة من المواطنين اللي مش حاسين البلد بتعملهم إيه علشان يرتاحوا بيقولوا إن الـ CTA ده إحدى وسائل التعذيب علشان هو تقريبا بيلف محافظات مصر كلها قبل ما يوصل للمكان اللي انت عاوزه ، ومش بس كده ده في الـ CTA المذهب الشيوعي الصيني للزعيم "ماوتسي يونج" هو السائد حيث لا فرق بين الجنسين وتذوب الفوارق التي تفصل بينهما تماما ويتلاحمان وينصهران في بوتقة واحدة تجعلك لا تفرق بينهما (أكتر من كده ما قدرش أفسر لأن الرقابة التحريرية هاتشيله!!). ولكن أهم حاجة بقى إن الـ CTA هو أحسن مكان تسمع فيه آخر اسطوانات نزلت السوق في الحب والغرام و.... ولذلك من موقعها هذا تنصح سوسو كل شاب وفتاة محترمين إنهم لما يركبوا الـ CTA ياخدوا معاهم 3 حاجات .أولا :قطن علشان التلوث السمعي ،وثانيا : نضارة سوداء غامقة علشان التلوث البصري واخيراً :مهدئ أعصاب علشان لو الحاجتين اللي فوق ما نفعوش يبقوا ياخدوه لغاية لما ينزلوا بالسلامة ....
الاسطوره
قامت سوسو من على السرير متأخرة على محاضرتها فطت ونطت. غسلت وشها واتوضيت، وصليت، ولبست هدومها في أقل من خمس دقائق متصورين شكلها كان إزاي طبعا (تعاطفك لوحده مش كفاية اتبرع ولو بكوتشي أديداس) المهم كملت الشياكة في الأسانسير ربطت الإيشارب اللى 1/2 كم بتاعها و لبست جاكت البدلة وبعدين لبست الصندل ذو الصناعة الفرنسية . ونزلت الشارع ركبت الميكرو.... إحم إحم... تاكسي طبعا كالعادة. بس نزلت في ميدان التحرير"موقف الـ "CTA، وركبت الناقة وشرخت، وبلاد تشيلها وبلاد تحطها !!!وما تستغربوش .. انتوا ما ركبتوش الـ CTA قبل كده ، يا بـخـتكم اللهم حقد وحسد بأه هيه.
هاشرحلكم الحكاية يقال فيما يروى عن الـ CTA إنه وسيلة للنقل العام أدرجتها الحكومة بتاعتنا ضمن وسائل المواصلات المصرية علشان تعلم المواطنين الأمامير اللي زيىّ الصبر على المكاره والشدائد، هدف قومي بحت زي ما انتم شايفين لكن قلة قليلة من المواطنين اللي مش حاسين البلد بتعملهم إيه علشان يرتاحوا بيقولوا إن الـ CTA ده إحدى وسائل التعذيب علشان هو تقريبا بيلف محافظات مصر كلها قبل ما يوصل للمكان اللي انت عاوزه ، ومش بس كده ده في الـ CTA المذهب الشيوعي الصيني للزعيم "ماوتسي يونج" هو السائد حيث لا فرق بين الجنسين وتذوب الفوارق التي تفصل بينهما تماما ويتلاحمان وينصهران في بوتقة واحدة تجعلك لا تفرق بينهما (أكتر من كده ما قدرش أفسر لأن الرقابة التحريرية هاتشيله!!). ولكن أهم حاجة بقى إن الـ CTA هو أحسن مكان تسمع فيه آخر اسطوانات نزلت السوق في الحب والغرام و.... ولذلك من موقعها هذا تنصح سوسو كل شاب وفتاة محترمين إنهم لما يركبوا الـ CTA ياخدوا معاهم 3 حاجات .أولا :قطن علشان التلوث السمعي ،وثانيا : نضارة سوداء غامقة علشان التلوث البصري واخيراً :مهدئ أعصاب علشان لو الحاجتين اللي فوق ما نفعوش يبقوا ياخدوه لغاية لما ينزلوا بالسلامة ....
No comments:
Post a Comment