ترضى ان خطبيتك او البنت اللى مرتبط بيها تكلم ولد على النت مهما كانت اخلاقه
كنت عايزه اسالك سؤال واحد .....و يا ريت تكون الاجابه بـ " نعم " او " لا " و متعتبرش ده حجر على رأيك رد الاول و بعدين اشرح اللى انت عاوزه
ترضى ان خطيبتك او البنت اللى مرتبط بيها اللى هى" زوجة المستقبل" تكلم ولد على النت مهما كانت اخلاقه؟
ومتفهمش السؤال غلط
سلالالالام عليكم ...
ده كان نص سؤال اتوجه ليا من حوالى 9 شهور ... يعنى من شهر سبتمبر السنه اللى فاتت ... طيب وانا مالى – لعله لسان حالك – مهلا !
السؤال فعلا صغير جدا و مختصر جدا بس مهم جدا وله دلالات كبيره قوى ..
طيب وايه اللى فكرك من تسع شهور تعلق على الموضوع ده دلوقتى ... مش لاقى حاجه تقولها يعنى ولا ايه ؟
لا والله ... الفكره انى ساعتها " عملت فيها بتاع " وفضلت اتفلسف واجادل وكده ... و دلوقتى فوقت فقلت انقل تجربتى ليك بس عسى ان تستفيد منها و ياجرنى ربى خير .
لا اخفى حقيقه ان وقتها ظللت لوقت طويل ابحث عن اجابه لهذا السؤال المحرج ... و بعد جهد جهيد كتبلها رد قولتلها فيه كلام انشا خالص " يعنى الموضوع نسبى و لازم يكون فى ثقه فى البنت اللى مرتبط بيها و الموضوع مقنن وكده " ....
يمكن يكون ده رأى اكتر من شاب " دلوقتى " بس ممكن افكر معاك فى الموضوع بصوت عالى ....
هو اصلا ايه نوعيه البنات اللى على الشات
- يا اما تعرفهم اصلا ... يا اما اتعرفت عليهم
- طيب ... النوع التانى .... هل معرفتهم كانت لسبب ما " هل تفيدهم او يفيدوك " ام ان الامر كله مجرد تضيع وقت .. اسف دعنى اكمل ... ولا تكون ضعيفا بموقفك
- حسنا لو كان تضيع وقت فيكفيك انك ستحاسب على كل لحظه فى عمرك مصداقا لحديث سيدك النبى " صلى الله عليه وسلم " لا تزول قدم عبد يوم القيامه حتى يسأل عن اربع .. عن عمره فيما افناه وعن شبابه فيما ابلاه وعن ماله من اين اكتسبه وفيما انفقه "
الموضوع جد خطير ورب الكعبه ... ستحاسب ايها الشاب على عمرك مرتين .. اول مره عليه كله ومره اخرى على شبابك فحسب ..
- طيب لو كانت بسبب ... يعنى ايه يعنى مثلا " تتعاونوا على البر والتقوى " فى مشروع خير ما شغالين فيه ... اى حاجه تندرج تحت الخير ولو بالقول ... لضمان ان الحديث مش هايكون خارج
- طيب لو تعرفهم بقى ... يا اما زملاء يا اما اقارب صح ...
لو زملاء يبقى معايير اختلاط الشغل هى هى على الشات ... الكلام فى الشغل " معظمه على الاقل " و بحدود ...
وانا عارف ان فى حد هايقول لا فى علاقه تانى .. احنا اصحاب .. طيب ابقى قولهم كده فى القبر !
- وبالنسبه للاقارب " وفى رأيى ده الاكثر خطوره فى رأيى ... لان للاسف فى ناس كتير " والله كتير " متصورين ان بنت عمهم او ابن خالهم زى اخوهم او اختهم فى كل حاجه ... ماشى بس مش فى كل حاجه ... اولاد العم والخال والعمه ...الخ ليسوا بمحارم يعنى " شرعا " هم اجانب عنك ... والله العظيم يبقى الكلام معهم لابد ان يكون بسبب ....
نرجع للسؤال بقى الاصلى .. وانا بقى اللى عاوز اسألهولك ... ترضى ان البنت اللى انتا مرتبط بيها يكون ليها تجارب على النت مع اى ولد مهما كانت اخلاقه .. وانتى ترضي كده ولا ايه ... مش طالب ردك .. انا عاوز ترد على نفسك وتقف وقفه صح ... تحاسب نفسك عليها ...
ولله التوفيق
No comments:
Post a Comment