محمود نِفسه يقعد مع صاحبه المسيحي علشان يناقشوا كل حاجة في الدين وطبعا ده مستحيل.. تعيش الوحدة الوطني فى الجامعه

الاسطوره - أسماء عبد العزيز

الدستور سألت "بعض طلاب المراحل التعليمية المختلفة" عن العلاقة بينهم وبين أشقائهم في الوطن الواحد، فقال محمود "الصف الثالث الابتدائي": "أنا عندي أصحاب مسلمين كتير خالص وعندي واحد صاحبي واحد مسيحي، بس خاصمته عشان مرة قاللي أن دينه "أي المسيحي" أحسن من ديني، خاصمته ومش بكلمه لحد دلوقتي".
ما رضوى ""الصف الثالث الإعدادي – 15 سنة"، فتقول: "أنا مش مصاحبة حد مسيحي عشان أنا بحس دايما إنهم بيبصولنا بقرف وبحس إنهم بيتنِّكوا علينا".أما قصة محمد "الصف الثالث الثانوي" كانت الأكثر إثارة للشفقة، حيث يروي مأساته، فيقول: "أنا مش ذنبي إني مسلم وحبيت مسيحية.. إيه المشكلة..!!".وعلى الجانب الآخر، قال مايكل "الصف الخامس الابتدائي": "أنا أكتر حاجة متضايق منها هي طردنا من حصة الدين ليدرس فيها المسلمون ونحن نذهب إلى المكتبة أو حجرة التربية الزراعية".. ووافقته القول إنجي، الصف الثاني الإعدادي، بقولها: "أنا بحس إني عمري ما هاحب واحدة مسلمة أبدا لأني بحس إننا بعيد عن بعض جدا.. في كل حاجة". وأضافت: "أكثر ما يؤرقني هو سخرية المسلمين مني عندما أرى قس في الشارع، فأهرول لأقبل يده".ونأتي للجامعة، وهى المرحلة الأكثر حساسية في العلاقة بين المسلمين والأقباط.. ففي تلك المرحلة تظهر شلل المسلمين والمسيحيين المنفصلة بشكل واضح وما يتبع ذلك من مناوشات مباشرة وغير مباشرة بين الطرفين.اسمع كلام محمود من علوم القاهرة وأنت تصدقنا: "أنا هاموت وأعرف إزاي أنا مسلم ومقتنع بديني مليون في المية، وصاحبي جرجس مؤمن برضه، لازم يكون فيه حاجة غلط. نفسي أقعد مع حد مسيحي أتناقش معه دون قيود ودون خجل من التطرق لأي موضوع". "باكينام" صيدلة عين شمس كانت الأكثر تعصبا وإثارة للحنق حتى لكاتبي هذه السطور، إذ قالت بمنتهى السهولة: "بدايةً لولا أنني تأكدت أنكم صحفيين لما تكلمت معاكم، لأنكم مسلمون".. وعندما سألناها عن سبب تلك الضغينة، قالت "لأنني لا أشعر بالأمان إلا عند اختلاطي بإخوتي الأقباط من ديني، لأن اختلاطي بالمسلمين قد يؤدي لأن يخطفوني ويغتصبوني".ويقول عبد الله، هندسة حلوان: "أنا لا أختلط مع بنات أصلا عشان الاختلاط حرام". وحينما سألناه: وماذا عن الذكور..؟ قال: "لا طبعا لا يجوز برضه دول مسيحيين..!".. ولا تعليق.

تم النشر فى الدستور ونقله عنه موقع
ضد التمييز

http://www.aad-online.org/ar/%d9%81%d8%a6%d8%a7%d8%aa%d8%a7%d9%84%d8%aa%d9%85%d9%8a%d9%8a%d8%b2/%d9%81%d8%a6%d8%a7%d8%aa%d8%a7%d9%84%d8%aa%d9%85%d9%8a%d9%8a%d8%b2%d8%a7%d9%84%d8%b9%d8%b1%d8%a8%d9%8a/%d8%aa%d9%85%d9%8a%d9%8a%d8%b2%d8%b6%d8%af%d8%a7%d9%84%d8%a3%d9%82%d9%84%d9%8a%d8%a7%d8%aa/tabid/96/ctl/Details/mid/464/ItemID/140/Default.aspx