Tuesday, April 24, 2007

يا حلاوة يا ولاد .. الجيل الجديد من الاخوان بقى بيصور البنات المزز فى الشوارع


فعلا ...... الصوره مستفزه كمان وماكنش يصح ان واحد " بيصلى " زى حالاتى يحطها .. ماشى انا موافق ... بس الحقيقه ان الصوره انا حطتها عشان اعلق عليها بس مش اكتر

الصوره " الفضيحه " ديه اخدها احد اعضاء جماعة الاخوان " بجوار الاستاد ظهر اليوم الثلاثاء ... حيث أنه تنصل من مبادئ و قيم الشهيد حسن البنا ليلقى بنفسه فى احضان الليبراليه باعتبار ان مافعله حريه شخصيه ..

صاحب مدونه شاويش ارتكب خطئا كبيرا فى حق نفسه ومبادئه ودينه
و لم يكتفى بالصوره المشينه فحسب وانما كتب ما نصه " انا مش بعاكس ... بس المزه ديه كانت رايحه الماتش .. و عشان كده صورها يعنى ... ونعم القيم والله وبعدين فضل يقول كلام كده لا يستحق الرد عليه ضد الاهلى فقال
يسقط الاهلى .... طيب ايه القيمه فى الصوره الزباله ديه يعنى والاهلى هل هو مسئول عن لبس مشجعاته ... و بعدين انتا الكاميرا بتاعتك المفروض انها للشغل ولا لصور البنات السافرات يا عم شاويش ولا حصلت زياره لجابر ابن حيان
غيرت كل حاجة ..

الصوره تم وضعها يوم الثلاثاء وطبعا بعد اللى انا كتبه هايحاول يعيش فى دور البرئ ويغيرها ... بس ادينا كشفناه امام الجميع ... بس ما قلناش رقم موبيل البنوته عشان برضه لو حد عاوزه ...

6 comments:

Anonymous said...

فعلا هما دول الاخوان بتوع دلوقتى يا اسطوره ,.. رحم الله البنا وهو برئ من افعالهم ,,

sharkawoo said...

يا نهاااااااااااااار


كدا يا شاويس لا تأخذني معاك يا بياااااااااااااااااااااع
...


طيب أنا بس تعليقي الوحيد هو أنه لا يوجد فرد يعبر عن عن فكرة عاملة ... حتي لو كان هذا الفرد هو من قيادة هذه الفكرة ...

فما بالك بالشاويش إلي هو بيايعها من زماااااااااااااااااااان...


علي العموم حصل خير ... بس يعني فين من ستر مسلم ... خلي بالك الجزاء ستره الله يوم القيامة ...

شاويش said...

اهلا انا شاويش
اولا مش هدافع ولا اقول حاجة غير
ان شري حبيبي اثبت من البوست انة مشروع صحفي في طريقة للانهيار مع انة كويس والله
والاسباب كتير اولها هههههه اني مش اخوان وطبعا فكرني كلامة وكاني بقراء روزا او مقال لكرم جبر
ثانيا لو القطة الصحفية الي هو عمال يقول عليها في كل تعليق لية باسم ..... في عشرينات مفيش لقطة لان الصورة وانا بنزلها انا بعتها لشريف وبعدين قولت اية رايك وكام واحد كمان قالوا الصورة اوفر يا شاويش وغيرها والي يدخل علي المدونة هيلاقي اني فعلا غيرتها

بس تقولوا اية بقي السبق الصحفي المزعوم
والمشكلة الكبيرة انه يتهم الاخوان هو انت مالك طيب وما الاخوان

يعني انت شايفني مثلا المرشد ولا نائبة
ويلا يا عم بيبو

كل سنة وانت طيب

المصير said...

الرد المتين على هاك الشاويش الحصين

اولا .. انتا لا تدافع ولا تقف جون انتا تعبر عن وجهه نظرك بس .. اوك

وشكرا انك قولت انى مشروع صحفى فى طريقه للانهيار لانك اثبتلى حاجتين
- عندما تأتيك الطنعه من الخلف فاعلم اننى فى المقدمه
- عندما تلقمى الحجر اعلم انى شجره مثمره
- موضوع انك مش اخوان ده مش تبرير ابدا فحتى لو كده انتا مش مسلم يعنى ! و حرام اللى انتا عملته
- اوك انتا غيرتها .. بس انا بتكلم عن المبدا ان صوره زى ديه مكنيش المفروض ان واحد " اخوان " ينزلها


شالوم ...ههههههههه

شاويش said...

بص مش بحب
اني اتكلم في مواضبع زي ده كتير


يعني لما انا نزلتها وسودتها بعد كدة كانت حرام طيب وانت الان سيبها اية

؟؟؟؟ولا هي مش حرام ؟؟
عندك

وطالما اني مش اخوان ومسلم طيب غير عنوان الوبست ولا انت خايف من حد ؟؟؟

ام الاهم وكلام الطعنة والشجرة يا عم انا مطعنتكش ولا حاجة انا بوقلك خلي بالك لو انت هتعتمد منهج الفرقة والعنواين الي زي ده لان ده مش كويس علي صحتك النفسية

المصير said...

الرد الكبير على هذا الشاويش الصغير
انا قولت فى اول الموضوع انى سايبها عشان الناس تعرف انك كنت حاطط الصوره وتشوف الفرق بين الصوره المحطوطه وبين اللى انتا لعبت فيها .

- عاوزنى اغير عنوان البوست اقول فيه ايه يعنى " ماتقول ولا خايف "

- بالنسبه لصحت النفسيه لاتقلق بشأنها اخى فى الله ... وبعدين منهج فرقه ايه اللى انا بعتمد عليه انا بس فضحتك ..