مقاومة ثائره تكشف حقيقة مصر لاول مرة !
سألوها .... فى دول العالم المتقدمة هى ايه ديه مصر بقى ؟ فقالت
الاسم : جمهورية مصــر العربية المكلية المباركية المنهوبة
المدن الرئيسية : الصين الشعبية ، عروس البحر المتوسط ، ابو العربي البورسعيدي
المساحة : ضفتين نيل واوضتين و صالة من غير منافعهم
الموقع : ناصية جامدة جدا وبلكونة ايه ، و على النيل واقعده مابين مية حلوة و مالحة و الخضرة ملياها
التعداد السكاني : ناس كتير اووي أغلبهم ملهومش لازمة بس غلابة و الباقي بينهبوا فيها وفيه ناس تانية مطحونة في عجلة مش بتاعتها
العملة : حاليا بقت ورقة الـ 200 جنيه ، بعد ما الجنيه غرق
النظام السياسي : على ما تفرج
النظام الاقتصادي : بتنجان مخلل
يوم الاستقلال : محدش يعرف البلد دي خلصت من الاحتلال اخر مرة كان امتى
البورصة : تعرف اخبارها لما تروح هتلاقيهم قاعدين
التاريخ و حضارة مصــر : اقرأ انجازات عهد افندينا مبارك
التعليم ... سمك لبن عرقسوس
مناخ مصر : مدعم حكوميا حار على جميع الاصعدة
الأمن والأمان: مستتب بمبدأ تبيع يلا .. أبيع أمي يا باشا
السكن : كل 9 في أوضة لوحدهم
العلاج: تخش المستفى سليم تخرج شرك بالاضافة إلى نقص حد في المقصات و المناشف نتيجة لنسيان الممرضين للحاجات الصغيرة دي في بطن المريض .. للذكرى
الحكومة المصرية: عصابة الـ 31 وزير
رئيس العصابة : العادلي جروب وزير التنكيل و السحل والتعذيب المبتكر الشوارعجي العادلي بيه ، والافراد البارزين انتو عارفينهم واحد واحد ، وزير العيش المضروب و وزير المرض الشعبي و وزيرة أكل حقوق العمال ، وزير التلفزيون المنغمش و و و
بس ... هو دة اللي كنت عايزة أقوله عن مصرهم
1 comment:
فكرة البوست جميله جدا
Post a Comment